Միության սիրելի անդամներ,

հարգելի բարեկամներ,

***

Շաբաթ օրը՝ 2017թ.-ի հուլիսի 15-ին, ժամը՝ 16.00-ից

«Ամենափրկչի» եկեղեցում, հասցեն՝ Nöldnerstraße 43, 10317 Berlin-Lichtenberg,

***

սկսվում է Գերմանիայի Հայ Առաքելական եկեղեցու թեմի Առաջնորդ, Նորին Սրբազնություն արքեպիսկոպոս Գարեգին Բեկչյանին և Գերմանական Բունդեսթագի պատգամավոր պարոն դր. Մարտին Պետցոլդին «Հայ և Եվրոպացի Մասնագետների Ասոցիացիա» հանրային կազմակերպության Պատվավոր անդամակցություն շնորհելու հանդիսավոր արարողությունը: Այս հանդիսությունը կատարվում է ավետարանական Պաուլ Գերհարդի անվան համայնքի կողմից կազմակերպվող ամառային տոնախմբության շրջանակում:

***

Պատվո խոսքն ընթերցում է ՀԵՄԱ հ/կ Առաջին Նախագահ պարոն Միքայել Մինասյանը: Հանդիսավոր արարողությունը շրջանակվում է «Հիսուսի հրաշագործությունները» վերնագրով թատերական բեմականացմամբ, որը կատարում են ՀԵՄԱ հ/կ կիրակնօրյա դպրոցի աշակերտ-աշակերտուհիները: ՀԵՄԱ հ/կ վարչությունը այս օրը կազմակերպում է շախմատի մրցույթ բոլոր հյուրերի համար: Հայկական տաղավարի մոտ միության մեր անդամները սպասում են Ձեզ հայկական ուտեստներով, Հայաստանի մասին տեղեկատվական թերթիկներով և մեր կիրակնօրյա դպրոցի երեխաների կողմից պատրաստված ձեռագործ աշխատանքներով:

Մենք սիրով սպասում ենք Ձեզ և արդեն իսկ ասում. Բարի' գալուստ:    

Սիրալիր բարեմաղթանքներով՝    

ՎԱՐՉՈԻԹՅՈԻՆ