Միության սիրելի անդամներ,

սիրելի բարեկամներ,  

ՀԵՄԱ հ/կ պատվավոր անդամ, Գերմանական Բունդեսթագի պատգամավոր դր. Մարտին Պետցոլդը և ՀԵՄԱ հ/կ Առաջին Նախագահ Միքայել Մինասյանը 2017թ.-ի սեպտեմբերի 3-ին սրտանց հրավիրում են Ձեզ մասնակցելու

Բեռլինի Լիխտենբերգ շրջանի <<Փրկչի>> եկեղեցում, հասցեն. Nöldnerstrasse 43, 10317 Berlin-Lichtenberg (S 5, 75, 7, Bhf. Nöldnerplatz), ժամը ՝ 15.00-ին 

կայանալիք հայկական Սբ. Պատարագին և վերջինիս ավարտից հետո ժամը ՝ 17.30-ին նույն եկեղեցու բակում բացօթյա խորովածի տոնական միջոցառմանը: Եկե’ք միասնաբար մասնակցենք խորոված սարքելու մտերմիկ արարողությանը և Գերմանական Բունդեսթագի ընտրությունների նախաշեմին զուգահեռաբար ավելի մոտիկից ծանոթանանք Բեռլինի Լիխտենբերգ-Հոհենշյոնհաուզենն  վարչական շրջանում առաջադրված Բունդեսթագի պատգամավորական թեկնածու <<Պետցոլդ-անձի>> հետ: 

Կից ներդիրում ուղարկում ենք մեր հրավերը:   Ձեզ անչափ երախտապարտ կլինեյինք և մեզ էլ շոյված կզգայինք, եթե այս հրավերը փոխանցեիք Բեռլինի Լիխտենբերգ-Հոհենշյոնհաուզեն  ընտրատարածքում բնակվող Ձեր ընկերներին, հարազատներին և բարեկամներին:   Այս հաճելի երեկոյին, որտեղ կարող եք անվճար ճաշակել խորովածի, գրիլի և այլ ուտեստների տարատեսականիներ, ինչպես նաև ըմպել բազմապիսի խմիչքներ, հնարավորություն է ընձեռնվում բանավիճելու և փոխանակելու կարծիքներ: Պարոն դր. Պետցոլդը սիրով Ձեր տրամադրության տակ է և պատրաստ է պատասխանել Ձեզ հուզող հարցերին:  

ՈԻրախությամբ Ձեզ հետ կհանդիպեինք Սբ. Պատարագի և խորովածի տոնական օրը:

Երախտագիտությամբ և ջերմագին բարեողջույններով՝   
դր. Մարտին Պետցոլդ - Գ Բ  Պ                       

Միքայել Մինասյան                                                     ՀԵՄԱ Առաջին Նախագահ