Աշխատանքային թեման՝ «Հայերի վիզուալ արվեստը Գերմանիայում. անհատական նախաձեռնությունների բյուրեղացում. հեռանկարներ և ցանցեր»
Ուրբաթ, մայիսի 2 – Շաբաթ, 1 հունիսի, 2025 թ
(Բացումը 18:00-ին և փակումը 15:00-ին)
Վայրը՝ Կարլսհորստի մշակույթի տան պատկերասրահ, Treskowallee 112, 10318 Բեռլին
Երաժշտական շրջանակումը՝ «Արթնացե՜ք մարդիկ, մարդի՜կ աշխարհի․․․» երգի պրեմիերա
Ծառայություն՝ անվճար խմիչքներ
Մուտքն անվճար է
Հայերը սփյուռքի երկարամյա ավանդույթներ ունեն. Ավանդաբար, հայ արվեստագետներն իրենց հայրենակիցներից հետաքրքրություն և որոշակի աջակցություն են ստանում միայն իրենց համայնքներից դուրս արվեստասերների կողմից ճանաչում ձեռք բերելուց հետո: Անհատական կողմնորոշման, մշակութային կյանքում և ազատ շուկայում հաստատման սկզբունքը ժամանակակից արևմտյան արվեստի հայեցակարգի կարևոր հիմնաքարն է։ Հայերը ավանդույթի ուժեղ զգացում ունեն, բայց միշտ բաց են մնացել նորարարությունների նկատմամբ: Նույնիսկ քրիստոնեության ընդունումը որպես պետական կրոն 301 թվականին շատ արվեստագետների կողմից հռչակվում է որպես ավանգարդ արարք, որն ապահովում էր ժողովրդի երկար գոյատևումը` չնայած անբարենպաստ հանգամանքներին:
Ցուցահանդեսների ինը տարիների ընթացքում Բեռլինում գերմանա-հայկական մշակութային օրերում փորձարկվել են համադրման և նախադրման կառույցային տարբեր մոդելներ: Ճանաչված արվեստագետների անհատական ցուցահանդեսներից բացի՝ եղել են խմբակային ցուցահանդեսներ, իսկ գեղանկարչությունն ուղեկցվել է լուսանկարչությամբ և առարկայական օբյեկտների ցուցադրման արվեստով։ Բացի թանգարաններում պահվող վարպետների գործերից, մենք նաև հարթակ ենք առաջարկել երիտասարդ արվեստագետների համար։ Ի լրում ցուցահանդեսի կազմակերպման՝ համայնքային կենտրոնի տեսքով՝ արվեստի գործերով և ճամփորդական պաստառներով՝ որպես զարդարանք պատերին, իսկ եկեղեցու մոդելները՝ պատվանդաններին, կային համաշխարհային համեմատության մեջ արվեստի վերջին միտումների մանրակրկիտ ուսումնասիրված ակնարկներ:
Արվեստասեր մարդիկ ոչ միայն այցելում էին Բեռլին՝ դիտելու ցուցահանդեսները, այլև վերջիններս քննարկվում էին հայկական և գերմանական լրատվամիջոցներում, նրանց մասին պարբերաբար տրվում էին քննադատական հոդվածներ սփյուռքի կարևոր ամսագրերում և թերթերում՝ Պրահայից մինչև Բոստոն: Բեռլինը կամաց-կամաց վերածվել է հայության մշակութային կարևոր կենտրոններից մեկի։
Այնուամենայնիվ, նույնիսկ այսօր առանձին արվեստագետների և խմբերի ցանցային կապը մնում է ապագային միտված մշակութային կայունության հիմնարար սկզբունքը: Բազմաթիվ մտավորականներ, երաժիշտներ և վիզուալ արվեստագետներ սովորել կամ աշխատել են Գերմանիայում։ Ոմանց համար ազգային ինքնության մասին խոսք լինել չի կարող: Մշակութային և ազգային ինքնությունը նույնպես պետք է կենդանի պահվի մշտական փոփոխության և նոր հարցադրումների միջոցով:
Բեռլինի Կարլսհորստ շրջանի մշակույթի տանը նախատեսվող հոբելյանական ցուցահանդեսում, համագործակցելով InteriorDAsein նախագծային պատկերասրահի հետ, որը 2008 թվականից կազմակերպել է բազմաթիվ ցուցահանդեսներ, սեմինարներ և տոնական միջոցառումներ և ունի հայազգի արվեստագետների հարուստ հավաքածու, մենք կցանկանայինք հետադարձ հայացք գցել անցյալի աշխատանքների վրա, ինչպես նաև հեռանկարային համագործակցության գրավական ստեղծել Գերմանիայում աշխատող արվեստագետների համար:
Մյունխենից, Բեռլինից, Դրեզդենից, Համբուրգից և Երևանից (Եղիազարյանի գոբելենների եզակի նմուշներ) հրավիրված նկարիչների տեսողական արվեստի գործերը, որոնք դեռ չեն ցուցադրվել մշակութային վերոնշյալ օրերի ընթացքում, և որոնց գործերը ավանդաբար իրենց տեղն են գտնում ցուցասրահների պատերին, այս անգամ համադրվելու են փայտե մի կառույցի վրա՝ շինված տասնանկյան տեսքով: Տաղավարի տեսքով պատկերասրահի կենտրոնում տեղակայելով՝ այս տասնանկյունը հասանելի կլինի հաչախորդին և յուրաքանչյուր անկյունում կներկայացվի նախորդ ցուցահանդեսներից մեկը՝ լուսանկար իր՝ նկարագրությամբ և լուսապատկերների միջոցով։ Ցուցահանդեսի բացմանը նախատեսվում է նաև տպագրություն թղթե գրքույկի տեսքով։
Սա ոչ միայն ընդգծում է հետաքրքրությունը Գերմանիայում հայերի շարունակական մշակութային կյանքի նկատմամբ, այլ նաև կոչ է անում անհատներին ցանցի մեջ մտնել երկխոսության և ռազմավարական ուղղորդված փոխգործակցություն ծավալելու համար:
