Շաբաթ, մայիսի 17, 2025, սկիզբը՝ ժամը 19:00-ին (դռները բացվում են 18:30-ին)

Գտնվելու վայրը՝ համերգասրահ, մուտք A, Կարլսհորստի մշակույթի տուն, Treskowallee 112, 10318 Բեռլին

Ծառայություն՝ ըմպելիքներ և հայկական ուտեստները՝ վճարովի

Մուտքը՝ 20,00 EUR, նվազեցված 3,00 EUR (միայն զեղչի իրավունք ունենալու ապացույցով)

«Նաիրյան» վոկալ համույթը հիմնադրվել է 2015 թվականին Մուղդուսյան արվեստի կենտրոնի մշակութային ծրագրերի շրջանակում։ Համույթի գեղարվեստական ​​ղեկավարն է Նաիրա Մուղդուսյանը։

Նման անսամբլի ձևավորման համար հիմք է հանդիսացել հայ դասական կոմպոզիտորների ստեղծագործությունների հանրահռչակումը, դասական և հոգևոր ազգային երաժշտության տարածումը, ինչպես նաև կանանց իրավունքների ամրապնդումը։

Համույթը բաղկացած է 4 երիտասարդ երաժիշտներից, ովքեր ունեն պրոֆեսիոնալ երաժշտական ​​պատրաստվածություն։ Խումբը երգում է պոլիֆոնիկ երգեր՝ հիմնականում ակապելլա ձևաչափով, կան կատարումներ կլարնետով, դափով և այլ երաժշտական ​​գործիքներով, որոնց տիրապետում են կանայք։ Համույթը տվել է տասնյակ մենահամերգներ և հարյուրից ավելի ելույթներ տարբեր միջոցառումներում, այդ թվում՝ Երևանի գրեթե բոլոր թանգարաններում, հոգևոր կենտրոններում, պանսիոնատներում և բանտերում, հավատալով, որ երաժշտության հասանելիությունը հնարավոր է ամենուր, նույնիսկ այնտեղ, որտեղ դա հնարավոր չէ։ Դասական երաժշտություն լսելը սովորական բան չէ։ 2018 թվականից անսամբլը իրականացնում է ներառական, եզակի նախագիծ՝ բազմաձայն ստեղծագործությունների կատարմանը զուգահեռ տվյալ երգը թարգմանվում է ժեստերի լեզվով։ Ներկայումս «Նաիրյան» վոկալ համույթը միակն է ոչ միայն Հայաստանում, այլև ողջ տարածաշրջանում, որը երգում է ակապելլա, պոլիֆոնիկ ստեղծագործություններ՝ միաժամանակ վերծանելով դրանք ժեստերի լեզվով, որպեսզի հասանելի դարձնի լսողության խանգարումներ ունեցող մարդկանց։ 2019 թվականին համույթն իրականացրել է «Լսում եմ քեզ» մշակութային և երաժշտական ​​համապարփակ ծրագիրը, որի շնորհիվ անսամբլը ժեստերի լեզվով թարգմանել է հայ դասական կոմպոզիտորների 32 ստեղծագործություններ և տվել 5 մենահամերգ, որտեղ բոլոր ստեղծագործությունները վերծանվել են ժեստերի միջոցով։ 2020 թվականի հունվարի 1-ից «Մուղդուսյան» արվեստի կենտրոնում մեկնարկեց «Երգ իրավունքի համար» ծրագիրը, որում «Նաիրյան» վոկալ համույթը երաժշտության միջոցով անդրադառնում է կանանց իրավունքների խնդիրներին։

Միևնույն ժամանակ, օգտագործելով ժամանակակից երաժշտական ​​լուծումներ, անսամբլը ստեղծագործել է «Համարձակ եմ» երգը, որը նվիրված է կանանց իրավունքների ամրապնդմանը և կանանց ազատագրմանը։ «Նաիրյան» վոկալ անսամբլը մասնակցել է մի շարք հանրապետական ​​և միջազգային փառատոների. Գլոբալ-Ֆեստ-Երևան միջազգային մրցույթ-փառատոն՝ Գրան պրի մրցանակ, Գլոբալ-Ֆեստ-Մոսկվա միջազգային մրցույթ-փառատոն՝ առաջին մրցանակ, «Արտ-ֆեստ» միջազգային մրցույթ- Փառատոն՝ «Լավագույն խմբակային մրցանակ», «Վերածնունդ» միջազգային մրցույթ – փառատոն՝ առաջին մրցանակ, «Կոմիտաս» համահայկական փառատոն, «Վոքս վիրտուալ» միջազգային փառատոն և այլն:

2019 թվականին համույթը համերգային ծրագրով Եգիպտոսում է եղել և մենահամերգով հանդես է եկել Կահիրեցի հանդիսատեսների համար։

Անսամբլը 2023 թվականին 8 մենահամերգ է ունեցել ԱՄՆ-ում, իսկ 2024 թ․-ին Հարավային Ամերիկայում` Արգենտինայում և Ուրուգվայում կայացած համերգների ժամանակ ներկայացրել է հայկական երգարվեստի գոհարները։ 

Ներկայացնում ենք «Նաիրյան» վոկալ համույթի կատարումներից օրինակներ այստեղ.

https://www.facebook.com/nairyanchoir/videos/1616118945156924/

https://www.youtube.com/watch?v=ECkFIPG3tmU

https://www.youtube.com/watch?v=Vf5tGO6c0GA

https://www.youtube.com/watch?v=lPerIzF3FIg