Լուսանկարը՝ Դավիթ Բանուչյանի

«Հայաստան․ թովչանք և բռնություն. Լանդշաֆտային և պատերազմի հետքերով նկարներ», Wolf & Galentz պատկերասրահ, Բեռլինի Պանկով շրջանում 2020թ․-ի օգոստոսի 9-ից մինչև օգոստոսի 30-ը  

Ցուցահանդեսը տեղի կունենա հետևյալ գործընկերների մասնակցությամբ․

- Եվրոպացի և Հայ Մասնագետների Ասոցիացիա հ/կ/ ՀԵՄԱ  (www.aeae.eu)

- Տավուշի արվեստագետների միության նախագահ, Տավուշի Հոգևոր Վերծնունդ Հիմնադրամի տնօրեն արվեստագետ Արմինե Թումանյան

- Պատկերասրահ Wolf&Galentz

Համադրող՝ Արչի Գալենց  

Յուրաքանչյուր ցուցահանդես ունի դրդապատճառ․ դա կարող է լինել թեմա, հարց, առարկություն կամ պարզապես հոգու ճիչ։ Այս ցուցահանդեսը մի ինքնաբուխ հակազդեցության արդյունք է, հակազդեցություն ընդդեմ հարավային Կովկասում Ադրբեջանի Հանրապետության ագրեսիայի՝ իր հարևան երկիր Հայաստանի Հանրապետության նկատմամբ։ Հայաստանն ընկած է բազմաթիվ մշակույթների խաչմերուկում և նա դրանց նկատմամբ զարգացրել է իր սեփական ընկալումը։

Այստեղ 30 տարուց ի վեր չի տիրում խաղաղություն և բանական համակեցություն։ Օրակարգում են ատելությունն ու բռնությունը։ Նույնիսկ Թուրքիայի նախագահ Էրդողանը, որն Ադրբեջանին մշտապես ներկայացնում է որպես «Թուրքիայի քույր», վերջերս կոչ էր անում երկու երկրների ժողովուրդներին Կովկասում իրենց «նախնիների» առաքելությունը հասցնել վերջնական ավարտին։

1915թ․-ի Հայոց Ցեղասպանության վերքերը, որոնք առ այսօր մնացել են չապաքինված, իսկ Ցեղասպանությունը ժխտվում է ոճրագործների սերունդների կողմից, բացահայտորեն արհամարվում են և դրանով էլ այդ վերքերը կրկին ու կրկին պատառոտվում են։

Նաև լանդշաֆտային գեղանկարչության մեջ ճանաչելի է նրա ինքնաձեռ դրոշմը։ Մոտիկի և հեռվի, խտացված գույների և հանգիստ հայացքի միջև առանձնահատուկ դիալեկտիկան ստեղծել է հայկական կերպարվեստում սեփական էսթետիկա։ Նույնիսկ լերկ լեռնաշխարհի գովերգումը տեսողական կերպարվեստում վերածվել է մի ուրույն սեփական ոճի։

Յուղանկարներին, ակվարելներին և գծանկարներին որպես այլընտրանք ներկայացված են նաև հայտնի լուսանկարիչ, Երևանում Փարաջանովի թանգարանի հիմնադիր և տնօրեն Զավեն Սարգիսյանցի հայտնի լադշաֆտային լուսանկարները։ Զավեն Սարգսյանը լուսանկարում և ցուցադրում է իր գործերը 30 տարուց ի վեր միջազգային ցուցահանդեսներում։ Իր լանդշաֆտային լուսանկարների թվին է պատկանում Խորանաշատի վանքը Տավուշի մարզում, որը կառուցվել է 13-րդ դարում։ Միայն անցած տարի այն ազատագրվել է դիպուկահարների կրակից և միայն երկու տասնյակ տարուց հետո այն կրկին դարձել է հանրության համար հասանելի։ Այս ցուցահանդեսը ներկայացնում է բեռլինյան անհատական հավաքածույից բնապատկերների մի ընտրություն։ Այստեղ կարելի է տեսնել այնպիսի հայտնի վարպետների գործեր, ինչպիսիք են Սեդա Բեկարյանը, Հովհաննես Զարդարյանը, Խաչատուր Եսայանը, Մհեր Աբեղյանը, Հակոբ Հակոբյանը, Հենրիխ Սիրավյանը, Ալբերտ Ծովյանը, Հարություն և Արմինե Կալենցները և այլն։

Ցուցահանդեսում ներկայացված են նաև մի շարք լուսանկարահանումներ, որոնք փաստագրում են բնակեցված այդ սահմանամերձ գոտում հրետանային կրակոցների հետքերը։ Այս նկարներն արված են 2016թ․-ին, երբ Հայաստանի այս սահմանամերձ գոտին, ինչպես նաև Արցախի շփման գծի ողջ երկայնքով, հայկական բնակավայրերը ենթարկվեցին հարձակման, իսկ այս ամռանը Հայաստանի Տավուշի մարզի մերձսահմանային վայրերում կրկին բռնկվեցին մարտեր։

Այս նկարները մեզ տրամադրել է Տավուշի Հոգևոր Վերածնունդ Հիմնադրամը։ Գեղանկարների և լուսանկարների այս հակադրությունը գամում է մեր հայացքը թովչանքի և բռնության վրա, որոնք Տավուշի սահմանամերձ գոտում դեռ որոշում են կյանքի առօրյա ռիթմը։ Ցուցահանդեսը հնարավոր է դարձել կազմակերպելու Եվրոպացի և Հայ Մասնագետների Ասոցիացիա հ/կ և Տավուշի Մարզի Արվեստագետների Միության համագործակցության շնորհիվ։

Պատկերասրահի հասցեն՝ Wollankstraße 112a, 13187 Berlin - Pankow

Տոնական բացումը միայն նախնական գրանցումով․ կիրակի, օգոստոսի 9-ին, ժամը՝ 14․00-ից մինչև 20․00

Պատկերասրահի աշխատանքային օրերն են․ երեքշաբթիից մինչև ուրբաթ, այցելությունը՝  նախնական պայմանավորվածությամբ

Փակումը: կիրակի, օգոստոսի 30-ին, ժամը՝ 16․00-ից մինչև 20․00