Հարգարժան տիկնայք և պարոնայք,

սիրելի նվիրատու բարերարներ,

Ադրբեջանական զինված ուժերի կողմից արցախահայերի դեմ իրականացված դաժան էթնիկ զտումների պատճառով  շուրջ 120․000 անձիք, թողնելով իրենց տները և ամբողջ ունեցվածքը, փախել և եկել են Հայաստան։ Հայաստանի Հանրապետությունը փախստականների այսպիսի մեծ հոսքի առկայությամբ ի վիճակի չէր միայնակ այսչափ թվով մարդկանց ընդունելու և հարկ ու պատշաճի հոգալու նրանց մասին, եթե չլինեին հայաստանցի մեր հայրենակիցների պատրաստակամությունը՝ այս մարտահրավերի մեծ մասն ստանձնելու, ինչպես նաև հայկական սփյուռքի անընդհատ ցուցաբերվող դրամական և իրեղեն նվիրատվությունները։

Որպեսզի մարդկանց ապահովեինք կյանքի համար անհրաժեշտ սնունդով, ձմեռային տաք հագուստով և այլ պարագաներով, այստեղից ՀԵՄԱ հ/կ վարչությունը նույնպես կազմակերպեց դրամահավաք, որին արձագանքեցին բազում գերմանացի մեր բարեկամներ և գերմանահայ մեր հայրենակիցներ։  Շուրջ 2․500 եվրո հավաքված դրամական նվիրատվությունը փոխանցվեց «Անմար կրակներ» ռազմա-հայրենասիրական հասարակական կազմակերպությանը, որը համագործակցելով Երևանում գտնվող «Պատրիոտ Դաշինք» հասարակական կազմակերպության հետ՝ համատեղ ապահովեցին Արցախից տեղահանված և Գյումրիում տեղավորված մոտ 31 ընտանիքների սննդի փաթեթներով և ձմեռային տաք հագուստով։

Ընդհանուր արժողությամբ 15․500ՀՀԴ (մոտ 35եվրո) սննդի 1 փաթեթի մեջ մտնում էին․

1կգ ալյուր,

1կգ շաքարավազ,

500գ ոսպ,

1 կգ բրինձ,

1կգ ձավար,

1կգ հունական ձավար (գրեչկա),

5 տուփ տարբեր տեսակի մակարոններ,

1 լիտր ձիթապտղի յուղ,

500գ կարագ,

2 տուփ քաղցր կաթ,

500գ կոնֆետների տեսականի

1 բանկա պահածոյացված սիսեռ

1 բանկա պահածոյացված եգիպտացորեն

2 բանկա պահածոյացված ապուխտ,

500գ սուրճ

1 կգ երշիկ

31 ընտանիքների համար ցուցաբերված սննդային օգնության ընդհանուր գումարը կազմել է 480․500ՀՀԴ (մոտ 1.130,00 եվրո)։

Այս ընդհանուր 2․500 եվրո փոխանցված գումարից ձեռք են բերվել նաև տաք վերարկուներ, գլխարկներ և ձեռնոցներ, որոնք տրվել են Երևանում տեղավորված շուրջ 16 արցախցի տեղահանված փաստականների։

«Պատրիոտ Դաշինք» հասարակական կազմակերպությունը վերոնշյալ այս գումարից հատկացրել է նաև տեղահանված արցախցի շուրջ 8 երեխաների համար կազմակերպվող դպրոցական կրթական ծրագրին՝ վճարելով տեղի վարձը և ուսուցչի հոնորարը։ Այս բոլորի հավաքական գումարը կազմել է 595․000ՀՀԴ (մոտ 1․400,00 եվրո)։

Կից ներկայացնում ենք վերջիններիս տված հաշվետվական գրությունները և շնորհակալագրերը։

Այստեղ առանձնապես ցանկանում եմ իմ շնորհակալությունը հայտնել գերմանացի մեր բարերարներ Անգերմյունդե շրջանի ավետարանական եկեղեցու պատվելի Յոնաթան Շմիդտին, Բեռլինի Պաուլ Գերհարդի անվան եկեղեցու պատվելի Լենհարդտ Շիրրին և դր․ Կարլ Ավգուստ Քրիստոֆ Դումռաթին իրենց մարդասեր մոտեցման և առատաձեռն նվիրատվության համար, ինչպես նաև մեր սփյուռքահայ բազում նվիրատուներին իրենց անմնացորդ նվիրվածության համար։

Երախտագետիորեն բարեմաղթելով՝

ՀԵՄԱ հ/կ ՎԱՐՉՈԻԹՅՈԻՆ