Երիտֆորումը ԱՀ ԿԳՄՍ նախարարության մշակույթի վարչության կողմից հատուկ մշակված հնգօրյա հավաք է, որի ընթացքում կկազմակերպվեն և կիրականացվեն երիտասարդության շրջանում ԱՀ անվտանգության և զարգացմանն ուղղված թեմատիկ դասախոսություններ, սոցիալական խնդիրների արդյունավետ լուծման ուղիների բացահայտում: Հավաքի ժամանակ մասնակիցները ամիջական հանդիպումներ կունենան ԱՀ բարձրաստիճան պաշտոնյաների հետ, կքննարկեն ոլորտային խնդիրներ, կբարձրաձայնեն իրենց հուզող հարցերը: Ազատ ժամանակը կտրամադրվի տեղանքի պատմամշակույթային և հոգևոր հուշարձանների այցելությանը, ուխտագնացությունների և արշավների մասնակցությանը, ակտիվ հանգստին:
Միջոցառման հիմնական նպատակը Արցախի Հանրապետության երիտասարդությանը տրամադրել այնպիսի գիտելիքներ և հմտություններ, որոնք թույլ կտան պատերազմական, արտակարգ, այլ անբարենպաստ պայմաններում կողմնորոշվելու և գործելու հնարավորություններ: Այն նաև հոգևոր անվտանգության և առողջ ապրելակերպի քարոզրության, տեղեկատվական անվտանգության մեխանիզմների ուսուցանման, երիտասարդության շրջանում իրականացվող պետական քաղաքականության մասին իրազեկվածության մակարդակի բարձրացման նպատակ ունի:
Ծրագրին կմասնակցեն ԱՀ 18-30 տարեկան 90 երիտասարդներՙ Ստեփանակերտից և ԱՀ շրջաններից:
Ծրագրի շրջանակներում նախատեսվում են դասախոսություններ հետևյալ թեմաներով՝ տեղեկատվական անվտանգություն, արտակարգ իրավիճակներում գոյատևում, սոցիալական ձեռներեցություն, քաղաքացիական պաշտպանություն, առաջին բուժօգնություն և հակաթմրամոլային իրազեկում:
Ծրագրի ընթացքում կկազմակերպվեն հանդիպումները ԱՀ նախագահի/պետնախարարի, ԱՀ ԿԳՄՍ նախարարի, ԱՀ առողջապահոըթյան նախարարի, Հայ Առաքելական Եկեղեցու Արցախի թեմի առաջնորդի հետ:
Կիրականցվեն առաջին բուժօգնության գործնական պարապմունքներ, արտակարգ իրավիճակներում գոյատևման գործնական պարապմունք, պատերազմական և արտակարգ իրավիճակներում կամավորականության խթանմանն ուղղված ծրագրեր, ուխտագնացություն:
Ծրագրի իրականացման համար անհրաժեշտ ֆինանսական միջոցների չափը կազմում է 3.200.000 (երեք միլիոն երկու հարյուր հազար) դրամ (մոտ 6000 եվրո):
Եթե կցանկանաք աջակցել «Երիտֆորում» ծրագրին, ապա կխնդրեինք Ձեր դրամական նվիրատվությունը փոխանցել հետևյալ հաշվեհամարի վրա․
Kontoinhaber: AEAE e.V. (VEuAF e.V.)
Postbank Berlin
IBAN: DE62100100100432187107
BIC: PBNKDEFF
Verwendungszweck: Spende fürs Jugendforum in Arzach-
Name, Vorname:
Adresse:
Բնական է, Ձեր դրամական նվիրատվության դիմաց մեզանից կստանաք հարկազերծման տեղեկանք Գերմանիայում բնակվող քաղաքացիների համար:
Փա՜ռք մեր հերոս տղաներին:
Փա՜ռք մեր անմահացած հերոսներին։
Հարգանքներով՝
ՀԵՄԱ հ/կ Վարչություն
